Свет сцішыўся пад снегападам.
І на зямлі, і ў небе – снег
Ляціць над вуліцай, над садам –
Не зразумець дзе ніз, дзе верх.
Размалявана наваколле
Ў адценні белага святла.
Святло ў душы і дыхаць вольна,
А ноч была ці не была?
Маё прызнанне на марозе
Паветра парай скалыхне
І белым вэлюмам бярозу
Насупраць хаты ахіне.
Мы выйдзем разам на дарогу
Пад шаты белага крыла,
Каб выказаць удзячнасць Богу:
На небе зорачка ўзышла.
Таленавіта. Вобразна.
Таленавіта. Вобразна. Прыгожа.