Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

"Шэдэўры"

Сярэдняя: 3.8 (9 галасоў)

Свет гіне. Лжэмастацтва метастазы
і лжэлітаратуры паранойя
няўхільна абяртаюцца абразай
для сэрцаў, не атручаных маною.

Зубаста смеючыся з явы поснай,
у ранг шэдэўра ўзведзенае ліха
з’яўляецца пакутай невыноснай
для зроку адчувальнага і слыху.

Па белым, ператвораным у чорны,
малююць як хто хоча, нават клізмай.
Эротыка ўжо зведзена да порна,
рамантыка – да хцівага цынізму.

Збаёданы паўтоны і адценні,
як быццам, мы не людзі, а прыматы.
Закінутыя ў шафы летуценні
заменены на маты-пераматы

і змешчаны пыхліва на выставах,
на конкурсах і слэмах, у І-нэце…

Нашто ствараць такое? Дзеля славы?
Але ж яна не грэе і не свеціць…

3.06.2013



...Да Таццяны зайшоў Галаву

...Да Таццяны зайшоў
Галаву задурыць,
І бутэльку знайшоў,
Каб з тых яблык наліць.

Ну не з тых, дык не з тых.
- З вінаграднай лазы?
- Мо з парэчак, з ракі?
- З іх адны туманы.

- З чорнай ягадай куст
У маім ёсьць саду.
Паспрабуйце ў прымус.
Я не зоркам кажу.

Я адной толькі Вам.
Палядзіце праз шкло.
Як заход ясна дня
У фужэры віно.

Гэты выраб ня ўсім.
Не канвейер рабіў.
Выбачайце за ўсё...
Што раней не ўцяміў.

Хай Ваш сад будзіць – Спас.
Хай Вас будзіць не звон.
І няхай кожны раз
Будзе ў Вас лепшы сон.

Дзякую і за віно, і за

Дзякую і за віно, і за пажаданні! :-)

Таццяна Дз.

выдатна, натурна :)

выдатна, натурна :)