Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ступа для музея

Сярэдняя: 5 (4 галасоў)
Век імклівы наш, сябры,
І бяда такая:
Быт мінулы,
Быт стары
На вачах знікае.

Карцы,
           прасніцы,
                           збаны
Зараз у навінку.

...Едуць знаўцы даўніны
Ў самую глыбінку.

Абшукалі ўвесь калгас,
Ды знаходак скупа.
Трэба,
         трэба ім якраз
Для музея ступа.

– Трэба ступа?
Не бяда, –
Дзядзька абнадзеіў, –
Толькі б ён яе аддаў –
Рэдкасць для музея!

Не рассохла,
                    не цячэ...
Ужо год каторы
Ён у ёй ваду таўчэ,
Седзячы ў канторы.