Цырымонія, фестываль, Оскар
Сквер праводзіць імпрэзу –
“Восень”.
Прызы – імпрэссіі
для ўзнёслых гледачоў.
На шматдзённае шоў
крочаць штодзённыя людзі
з Купалы і Маркса авеню,
ім прапануюць меню
святочнае. Каб да ночы
былі захмелелыя –
кляновае сухое чырвонае,
залацістае альховае белае
Дуб да пачатку святочных
дзён, плюнуўшы на каляндар,
Раздае каляровае
манпасье. Ясень на тратуар
шые дыван, засцілае бітон
шоўкам з плямамі кветак,
Дзеля V.і.P. персон –
Маленькіх Дзетак.
У межах імпрэзы – Fashіon паказ.
Мадэлі чары пускаюць у мроі.
Гарсэты ад ліпы, боа ад вярбы
аксесуары ад хвоі.
Запрошаны джаз-бэнд
Кастрычнікам. Акампанемент
Класічны – духавыя –
парывісты вецер, клавішы –
банкі пустыя з суквецця
талентаў Coca-kola,
Ссівелы дождж адбівае
Партыі бубнаў квола
Але спусцее зал. Ды ад дэкора
пакіне шэры тратуар
прырода. У пору
скверу скласці лісце
ў гору. Няспынна
праляцела восем
залаталіўня
тыдняў. Просім
хутчэй наступную
правесці
“Восень”
Вельмi спадабалася, дзякуй!
Вельмi спадабалася, дзякуй! :)
Цікавы верш. прыгожа
Цікавы верш. прыгожа