Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

ВЕРАСЕНЬ

Сярэдняя: 1.8 (5 галасоў)

Восень на лісцях малюе ўзоры
Пэндзлем барвяным,
Рэкі хаваюць шумлівыя воды
У сонным тумане.
З бульбаю кошык стаіць у цянёчку –
Гладкія клубні.
А павучкі ў засохлых травінках
Граюць на бубне.
Яблыкі дыхаюць водарам свежым,
Сокам і мёдам.
Верасень спешна водзіць па ўзмежках
Буслоў карагоды.
Робяць аблёт свой апошні над полем
Белыя птушкі,
Каб на вялікіх бусліных арэлях
Сонца пагушкаць.