Я спазнілася праз дождж,
Я спазнілася…
Хоць спяшалася і бегла як магла.
Закахалася ў цябе,
Ці стамілася
Я чакаць таго, за кім ішла?
Я спазнілася праз гром.
Навальніцаю
Бегла, бегла басанож па пяску.
Можа быць тады была паланіцаю?
Дык куды яшчэ дагэтуль бягу?
Я спазнілася,
Я моцна спазнілася…
Ты, магчыма, не чакаеш ужо.
У душы маёй нешта замянілася
Праз абставіны, праз час, праз жыццё.