Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Я выбрала долю - Праўду

Сярэдняя: 4.7 (13 галасоў)

Я выбрала долю-Праўду.
Не грошы. Не славу.
Не сцежак крывых чараду.
А таму за сястру сваю бітую
Па жыцці, як па шклу разбітаму,
Я горда наўпрост іду.

Ненавідзяць мяне багатыя –
Бо з працы чужой жывуць.
Ненавідзяць і нішчыя. Бо вінаватыя –
Як сляпаыя, у прорву ідуць.

А мяне ж мая мама вучыла
Праўду ў вочы нідзе не казаць.
“Загінеш, дачушка. Тут д’яблава сіла.
Гэты свет пракажоны нам не ўратаваць”.

Даруй, мая мамко,
Я праўду святую
Не толькі кажу, пішу і люблю.
За яе я гібею. Яе я ратую.
Я гадзючнік цямнот сваім сэрцам палю.

Я карціны і вершы свае гарачыя
Мяняла на плошчы й дубінак сыць –
Каб сляпыя святло убачылі.
І нямыя манкурты маглі гаварыць.

Каб з людзей не рабілі зноў робатаў.
Бездухоўных рабоў. І камун.
Мала ў нас міласэрнасці вопыту.
Ды багата падману і трун...

І як промень Ярылы-сонца,
Як Ярылавыя ключы,
Знаю я:
Адгарыць маё сэрца да донца –
І зоркаю стане ўначы.

Каб заўсёды свяціць для народа.
Асвятляць золь ягоных дарог.
Бо дзе ёсць Праўда –
Там і Свабода.
І дзе ёсць Праўда –
Там ёсць і Бог.



Моцны верш, выдатны верш. І

Моцны верш, выдатны верш. І вобразы добрыя. Толькі я вам параю, перад тым, як выкладаць верш,папрацаваць над нім, каб не было расейскіх слоў.

цудоўна

цудоўна