Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Жыццёвая паласа

Сярэдняя: 4.5 (2 галасоў)

Жыццёвая паласа

У адчаі не сышоў
З фінішу жыццёвага
І ў няпрошаных гадоў
Долю адваёўваў.

Мроі не адолеў лёс
Грознымі сурокамі.
Я упарта крыж панёс
І гуляў з аблокамі.

Як арол свабодны той,
Пакланяўся сіняму
Небу і зямлі святой,
І кутку радзіннаму.

Позірк вабіў небасхіл,
Да якога вечна йсці.
Я ж ля дзедаўскіх магіл
Спавядаўся ў вечнасці.