Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Анатоль Астрэйка

Astreyka.jpg
Нарадзіўся 24 ліпеня 1911 года ў сялянскай сям'і ў вёсцы Пясочнае, што непадалёку ад Капыля. Сапраўднае імя — Астрэйка Акім Пятровіч. У 1930 годзе скончыў двухгадовыя настаўніцкія курсы пры Мінскім педтэхнікуме. У 1932-34 гадах вучыўся на літаратурным факультэце Мінскага педагагічнага інстытута. Тады пачаў працаваць у беларускіх газетах. У часы Вялікай Айчыннай вайны быў адказным сакратаром сатырычнай газеты-плаката "Раздавім фашысцкую гадзіну". Яго двойчы накіроўвалі на занятую фашыстамі тэрыторыю Беларусі. Знаходзіўся на Случчыне ў партызанскай брыгадзе імя Чкалава. У тыя часы быў напісаны зборнік вершаў пра баявыя справы народных мсціўцаў, азаглаўлены аўтарам "Слуцкі пояс". Гэты зборнік у 1943 годзе пад рэдакцыяй Мікалая Дастанка быў выдадзены ў партызанскай падпольнай друкарні, якая славілася выпускам слуцкай партызанскай газеты "Народны мсцівец". Пасля вайны, у 1964 годзе зборнік быў перавыдадзены. У пасляваенныя гады ўзначальваў Гродзенскае аддзяленне Саюза пісьменнікаў, быў адказным сакратаром часопіса "Вожык". Яшчэ ў студэнцкія гады ў газеце "Чырвоная змена" (1929 пад псеўданімам Якім Зорны надрукаваны першы верш А. Астрэйкі ("Гады заўжды напевам новым"). У 1940 выдаў першы зборнік вершаў "Слава жыццю". Рукапіс другога зборніка "Квецень" згарэў у час вайны ў Мінску. У пасляваенныя гады выйшлі кнігі паэзіі "Крамлёўскія зоры", "Добры дзень"(1948), "Зямля мая"(1952), "Песня дружбы" (1956), "Бацька мой, Нёман" (1961),"Сэрца насцеж" (1965),"Цвіціце верасы" (1975), "Зямная Случчына" (1977), "Ураджай цяпла" (1978), а таксама вершаваная казка "Елка" (1949) і паэма для дзяцей "Прыгоды дзеда Міхеда" (1956). У 1970 і 1981 гадах выйшлі "Выбраныя творы" у двух тамах. Аўтар тэкстаў многіх папулярных песень ("Ой бацька мой, Нёман", "Песня пра Заслонава", "Шаўковыя травы" і інш.). Займаўся таксама перакладам на беларускую мову твораў пісьменнікаў народаў СССР. Быў узнагароджаны ордэнамі "Чырвонай Зоркі" і "Знак пашаны", медалямі.Adidas


Сярэдняя: 4.2 (69 галасоў)
Бывае, смутак душу агартае… Тады ў музей мастацкі я іду, І смутак мой, нібы туман, знікае — З жыццёвай праўдай гутарку вяду. Сустрэчы рады з кожнаю карцінай, Перад табой нямею, прыгажосць. Я слаўлю тых, хто след для нас пакінуў Пра родны край, пра нашу маладосць.Mens Footwear Online


Сярэдняя: 4.5 (24 галасоў)
Я іх табе вясной прынёс З зялёнае лясное далі. Празрыстыя крупінкі рос, Яшчэ на лісцях трапяталі. Пачырванела ты ў адказ На мой паклон і прывітанне. Хай песняй стане гэты час Майго юнацкага кахання. Невінаваты я, што мы Чаго няма, таго і просім. Не злуй, што я сярод зімы Табе тых красак не прыносіў. А ты кіўнула галавой, Маўляў, дарма сябе трывожыш: – Яны патрэбны мне зімой, Вясной прынесці кожны зможа.SNEAKERS


Сярэдняя: 4.4 (69 галасоў)
І ў будні дзень і ў радаснае свята, Сюды да плошчы шмат дарог вядзе, Сягоння паўшым у баях салдатам, Народ вянкі да помніка кладзе! Нібы на варту каля абеліска, Пасталі елкі ў вешнім шынялі, Завецца плошчай перамогі ў Мінску, Адна з найлепшых плошчаў на зямлі! Nike Air Max