Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Піліп Пестрак

Сярэдняя: 4.5 (37 галасоў)

Снег пушысты, бадзёры, крамяны
Ціхай беллю празрыстаю лёг,
Дрэвы, хаты ахутаў рахманы,
І застыў на шырокіх палёх.

Першы снег - гэта сэрцу навіна,
Гэта - раны прыкрыла зямля,
Гэта - з жартам прабегла дзяўчына,
Смех пры студні і скрып жураўля.



Сярэдняя: 4.8 (5 галасоў)

Ты і я на возе
Лугавога сена.
Вечар па дарозе
Пах рамонкаў сее,
Сцелецца туман
І цвіце курган
Кветкай сосен вышняй,
Ў воблакі прыбран.
Знемаглася, спіш ты?

Па шашковай плыні
Залатых нябёс
Месяц-серп няўпынна
Хмарак жне пракос.
І зубчаты бор
Дакрануўся зор.
На вакол паглянь,
Ах, не спі, устань.