Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Васіль Жуковіч

Сярэдняя: 3.9 (14 галасоў)

Я хачу быць
футбалістам,
забівацьгалы са свістам
галавой,
нагой,
рукой!
Вой! Што я кажу?!
Я хачу быць
машыністам,
электрычкі гнаць са свістам,
з хуткасцю --
сто,
дзвесце,
трыста
за хвіліну!..
Вой! Што я кажу?!

Я хачу быць
каскадзёрам.
Уявіце, я скачу,
са скалы скачу я ў мора,
у агонь скачу!
Вой! Што я кажу?!
Не хачу!



Сярэдняя: 3.9 (21 голас)

Так урачыста, такпрыгожа:
Вясна, цвітуць сады, палі!
Не будзь няуважлівым прахожым
На свяце роднае зямлі.



Сярэдняя: 4 (3 галасоў)

Не сядзіцца ў хаце
Хлопчыку малому:
Выцягнуў ён маму
У кнігарню з дому.

-- Мамачка-галубка!--
Просіць сын так міла.--
Можа б, ты мне кнігу
Коласа купіла

-- То ж па-беларуску!
-- Вось і добра, мама,
Разумею мову
Родную таксама.

(Два разы на тыдзень
Вучым яе ў школе...)
-- Не куплю, сказала,
Не панятна, што лі?!

-- Мамачка, матулька!
Чуць сынок не пласча.--
Мо шкадуеш грошай?..
Вырасту -- аддзячу.

-- Толькі паглядзеце,
Што чаўпе назола!
Ну ж і дабяруся
Я да вашай школы!..