Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Віталь Астанковіч

Сярэдняя: 3.6 (8 галасоў)

Мы мудры народ - мсціслаўцы,
Мы моцныя духам і сэрцам сваім.
Нашчадкі князёў і выдаўцаў.
Унукі Альгерда, Лугвеня сыны.

Мсціслаў наш родны,
Святы і свабодны,
Куточак міру над сівой Віхрой.
У сэрцы назаўсёды
Дзяцей тваіх імёны,
З табою Бог, і мы навек з табой.

Мы горды народ - мсціслаўцы.
Ніякаму ворагу нас не зламіць.
Працуем, і першыя ў танцах,
Як песню пяём - у Расіі гучыць.

Мсціслаў наш родны,
Святы і свабодны,
Куточак міру над сівой Віхрой.
У сэрцы назаўсёды
Дзяцей тваіх імёны,
З табою Бог, і мы навек з табой.

Мы шчодры народ - мсціслаўцы.
Сяброў мы сардэчна вітаем у нас.
І ведайце: так можа стацца,
Што родным наш горад будзе для вас.

Мсціслаў наш родны,
Святы і свабодны,
Куточак міру над сівой Віхрой.
У сэрцы назаўсёды
Дзяцей тваіх імёны,
З табою Бог, і мы навек з табой.



Сярэдняя: 4.6 (5 галасоў)

Мне сніцца сон – дзівосны і прыгожы
Нібыта навакол - пяшчота і спакой.
З харугвай на кані – я, моцны, мужны воін
І ллецца звон над Замкавай гарой.

Нясе мяне мй конь праз гай шырокі,
Цераз масток драўляны над ракой.
Вітай мяне, мой горад, з перамогай!
Мне раны загаі жывой вадой!

Мсціслаў мой родны – Ты святы і свабодны!
Куточак міру над сівой Віхрой.
У сэрцы назаўсёды сыноў тваіх імёны.
З Табою Бог, ш я – навек з Табой!

Стагоддзямі не ведаў Ты спакою
Ад ворагаў, што кроў Тваю пілі.
Сяклі, аднём палілі мілы край,
Хіба ты знойдзеш
Больш намоленае месца на зямлі.

Мой горад, мой Мсціслаў, мая калыска!
Ня трэба мне другога – мілы Ты адзін.
І галаву сваю я да зямлі схіляю нізка-
Твой недасека я. Твой родны сын.