Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мы жывём, як гарох пры дарозе

Яшчэ не ацэнена

Мы жывём, як гарох пры дарозе
Хто нi йдзе – той вазьме i скубне
Гэту прымаўку ў нашам народзе
Расказала бабуля мне

А калi хлапчуком я рэмзаў
I зайздросна на штось глядзеў
То казала – Гасподзь i лесу
Не зраўняў, а тым больш людзей

Ах, бабуля мая дарагая
Непiсьменнай лiчылася ты
Але я i дагэтуль не знаю
Разумней што тваёй прастаты

Бо на выпадак кожны гатова
Ў цябе трапнае слова было
I багацце усё нашай мовы
Да мяне ад цябе перайшло

А найбольш – павагу да Бога
Ты унуку свайму дала
Бо “без Бога – нi да парога”
Тваёй прымаўкай лепшай была



Выдатна

Выдатна