Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Вёсачка Кянці

Сярэдняя: 4.4 (8 галасоў)

Плямінка ці крапінка
Каля аўтастрады.
Можна і аб’ехаць,
Можна абыйсці.
Дык чаму ж чаруе,
Дык чаму ж так вабіць
Вёсачка маленькая
З назваю Кянці?
Тут маё дзяцінства
Прамільгнула іскрай.
Хоць,здаецца, учора
Яшчэ тут жыла.
Па мурожных травах,
Па расе срабрыстай
Басанож ляцела
На ўскрай сяла.
Па лясах блукала
З кошыкам суніцаў
Ці сплятала кветкі
У сонечны вянок.
І цяпер, бывае,
Па начах мне сніцца
Белая чаромха,
Сіні васілёк.
                 Снеданне блінамі –
                 Мой ласунак лепшы.
Нават сёння помню
Той мачанкі пах.
Пасучы каровы
Я складала вершы.
Філасоўскі роздум
Быў на бураках.
Шчодрасці – суседзі,
Шчырасці – сяброўкі,
Шчасця – тата з мамай
Назбіралі ў шлях.
Я б вярнуць хацела.
Усё нястрымней крокі -
Родныя мясціны
Клічуць зноў пад дах.



Цудоўныя радкі! Адкрытыя!

Цудоўныя радкі! Адкрытыя! Шчымлівыя! Сапраўдныя!

Вельмі-вельмі прыгожы верш!

Вельмі-вельмі прыгожы верш!

Ганна! Вельмі добры, цёплы

Ганна! Вельмі добры, цёплы верш! Чытаеш - атрымліваеш асалоду!
Таццяна Дз.