Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Аляксей Арцёмаў

arcemau.jpg

Нарадзіўся ў Туле 27 сакавіка 1991 года. Па сканчэнні школы быў ўзнагароджаны залатым медалём. Пісаў вершы па-расейску з 2000 года. З 2008 года піша па-беларуску. Акрамя літаратуры цікавіцца таксама сучаснымі кампутарнымі тэхналогіямі, піша артыкулы для беларускай Вікіпедыі.

Аўтар зборніка вершаў “Двойная звезда” (2007-2008).

Перакладае на рускую з ангельскай, украінскай, беларускай і іншых моў (часам з рускай на беларускую і ангельскую).

Лаўрэат і прызёр тульскіх гарадскіх і абласных моладзевых літаратурных конкурсаў. Прызёр конкурсу імя Карласа Шэрмана, арганізаванага беларускім ПЭН-цэнтрам, пераможца каляднага конкурсу інтэрнэт-часопіса "ПрайдзіСвет" (2009). Фіналіст конкурсу імя Л. Геніюш (2010).



Сярэдняя: 3.6 (11 галасоў)

Вар'яцее вятрыска штотыдзень –
Флюгер круціцца быццам турок,
Я, напэўна, кагосьці пакрыўдзіў.
Ты прабач мяне – я не знарок.

Прамянее вясной наваколле:
Іскры сонца і шум капяжу...
Толькі я ўсё адно мімаволі
На цябе – не на сонца – гляджу.

Ты прабач ад душы, без загадаў,
Каб раку адшукаць – тую, дзе
Нашы крыўды, зласлівасць і здрада
Патанулі ў вясновай вадзе.



Сярэдняя: 4.5 (13 галасоў)

Ты хочаш мову зруйнаваць? Што можа быць прасцей!
Наогул кніжак не чытай і не вучы дзяцей,
Хай Божа зможа ўратаваць цябе ад лішніх слоў,
Ад Інтэрнэту і газет, ад вершаў і лістоў.

Упэўні ў слушнасці сваёй суседзяў і сяброў,
Скажы, што галава трашчыць ад вывучэння моў...
І праз гады ты ўбачыш - так, змагаўся не дарма:
Яшчэ пакуль не пастарэў, а мовы ўжо няма.



Сярэдняя: 4.2 (10 галасоў)

Усё прайшло. Альбо прайшло амаль.
Вяртаецца каханне да вытокаў.
Я ноту ўзяў, але маўчыць раяль,
Нядрэмнае глядзіць за мною вока.

Акорд жадання – музыка мая,
Ды сіл няма, ужо сціхаюць словы.
Апошні раз я бачу сонца дня…
Скажыце, хіба гэта не цудоўна?

Бо свет пакіну з думкай аб табе.
І хай пражыў, на жаль, завельмі мала,
Але з табою, лепшаю з кабет,
Маё каханне музыкай гучала…