Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Усевалад Сьцебурака

Сярэдняя: 4.6 (8 галасоў)

Калі завітае Яна -
паненка з касой-літоўкай,
я, чарку кульну да дна,
пазыкі раздам гатоўкай.

Суседу пакіну ключы -
маўляў, "даглядай кватэру,
мяне запытаюць - маўчы,
прыеду пасьля, праверу"...

Жагнуўшыся на абразы,
ашчадна закрыю фортку.
Ля крамы падам драбязы,
прылашчу на лаве котку.

Зірну ў астані раз
на тое, з чым час растацца...
-"Ніколі ня быў у Вас,
кажыце, куды кіравацца?"

І ў вэлюме белых сноў
ля рысы апошняй станем -
абрысамі з туманоў
хітнемся і ўтшчэнт растанем.



Сярэдняя: 4.4 (23 галасоў)

Ад прадзедаў з пакон вякоў
мне б засталося сто гектараў,
каб не было бальшавікоў
ды іхных сраных камісараў!



Сярэдняя: 5 (2 галасоў)

Давай падлічым pro et contra,
сьвятло і цень.
скрозь гук фінальнага акорда
сцячэм сьлязой па джалу корда
у ноч, у дзень…

Давай зусім без дэкарацый?
Сектакль – удвох.
Без воплескаў і без авацый,
без бліскавіцаў папарацы
Хай чуе Бог…

Давай пасьля забудзем словы
вось так – знарок!
Увесь сьвет маўчыць і адмыслова
Жыцьце свае пачнем на нова
і зробім крок!



Сярэдняя: 4.7 (21 голас)

Калі сыдуць мае дзяды,
зь зямлі адыдзе пакаленьне,
ў якога вырас на каленях,
пакіне на крыжах каменных
свае імёны і гады.
Калі сыдуць мае дзяды,
у тое ж самае імгненьне
уключыцца адлік забвеньня —
ці будзе мне ставаць цярпеньня
ў адведкі езьдзіць на клады?
Калі сыдуць мае дзяды,
адчуўшы сэнс у слове «страта»,
заўважу, як старэе тата,
якой пустой здаецца хата
бяз гукаў іхняе хады.
Калі сыдуць мае дзяды,
мяне таксама стане меней,
падоўжацца ад сьвечак цені
і падмацуюцца сумненьні,
што й я ужо не малады.