Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

філасофская лірыка

Сярэдняя: 4 (9 галасоў)

Самоціць вобраз у люстэрцы?
Схіляе разам слёзы ліць?
А што, калі выяву сцерці
і ўласны твар перамяніць?

"Ушчасціць" поглядам і ўсмешкай,
заўсёдна поўнымі любві, —
і захаваць на духа "флэшку",
каб не згубіць, пад грыфам "V" —
як пераможцы-жыццялюбцы
выратавальнае "ноў-хаў".

І "Не!" — самоце-душагубцы!

Даеш захопленае "Ваў!"
і найружовых акуляраў
адну-дзве пары (можна й тры!) —
перапісаць нанова мары.

І ўспыхне сонейка
ўнутры!

І раптам зменіцца наўколле

і залюстэр'е запяе...

Ды так, што некага ад болю

ўратуюць

"болікі"

твае...



Сярэдняя: 4.4 (56 галасоў)
                        Вы думаете время идет?
                        Безумцы! это вы проходите.

Ці могуць дарогу знайсці невідушчыя,
Што бродзяць у цемрыве ісцін падманных?
Навобмацак ходзяць,
Грувасцяцца лбамі,
І лезуць на сцены, таму што не маюць вачэй,
І думаюць: час цячэ...
Час ідзе і праходзіць,
Мінае...
Яны гэты час пражываюць.

Ці могуць дарогу знайсці невідушчыя? -
У іхніх абліччах пустыя вачніцы,
Не слязамі сплываюць,
А болем калючым -
Хто іх навучыць?
Выведзе хто іх?

Гэта горад сляпых -
Тут кожны шкае дарогу
Да шчасця, да славы, да Бога...
І кожны шукае на гэтай дарозе
Сябе.



Сярэдняя: 2.9 (7 галасоў)

Што нам добра, што не?
Запытай — адкажу:
хоць і многія рэчы ў жыцці неблагія,
найкаштоўныя з іх —
што сілкуюць душу —
гэта вера,
надзея,
любоў.
І sophia.

А што тычыцца плоці...
Ну, гэта бачней:
анідзе між дароў пладароднае глебы
аніколі няма анічога смачней
крупкі солі,
вады
і акрайчыка хлеба.

А для зернейка духа карысней за ўсё —
ва ўсялякіх абставінах
чэснасць
і вернасць.
І яшчэ ўсепрабачлівасць
(курс — на жыццё!)
і ахвярнае сэрца,
і дум міласэрнасць.

Пра астатняе, ведаеш,
думаю так
(і мяне не турбуе чамусьці сумненне):
хто б ні быў ты — хаця б і апошні жабрак —
ты шчаслівы й багаты,
як маеш...
сумленне.

------------
sophia - мудрасць