Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

1913

Сярэдняя: 4.6 (375 галасоў)
Iзноў пабачыў я сялібы, Дзе леты першыя прайшлі: Там сцены мохам параслі, Вясёлкай адлівалі шыбы. Усё ў пылу. I стала мне Так сумна, сумна ў цішыне. Я ў сад пайшоў... Усё глуха, дзіка, Усё травою зарасло. Няма таго, што раньш было, I толькі надпіс “Вераніка”, На ліпе ўрэзаны ў кары, Казаў вачам аб тэй пары. Расці, ўзмацовывайся, дрэва, Як манумент жывы, ўставай I к небу надпіс падымай. Хай нерухомы словы спева: Чым болі сходзіць дзён, начэй, Тым імя мілае вышэй.Shop Women's Boots


Сярэдняя: 4.5 (125 галасоў)

    ...А ты, сіраціна, жыві,
Як ветрам лісток адарваны, –
    Ні месца табе на зямлі,
Ні радасці з песень жаданай,
 
    Нясі сваю ношку жыцця
Між наспаў-курганаў магільных,
    Без веры ў свой цэль, без пуцця,
Расплаканы ў жальбах бяссільных.
 
    Як цень з таго свету, ідзі,
Не знаючы ў долі сірочай
    Ні сэрца з дзявочай грудзі,
Ні сонечнай ласкі дзявочай.
 
    Жыві і сні сны аб вясне,
Ды думай адно, сіраціна.
    Што нават ніхто не ўздыхне
Калісь над тваёй дамавінай.

Nike Jordan


Сярэдняя: 4.7 (77 галасоў)
Так цёпла цэлы дзень было, Што дзед - i той сьцягнуся зь печы, Ля рэчкi сеў, дзе больш пякло, I грэў пад старай сьвiткай плечы. Сiнеўся бор, цякла вада, Скрозь пахла мёдам i травою... А дзеду нат i не шкада, Што хутка будзе ён зямлёю.Nike Business


Сярэдняя: 4.9 (14 галасоў)
Як нябеснае згасне за лесам святло, А ноч крылле распусціць па ўсёй Беларусі, Штось мне шэпча: ідзі! Я іду за сяло I на ўзгорку пад крыжам паклонным саджуся. Счараваны вячэрняй глухой цішыной, Прыслухаюся шэпту далінаў і гораў; Недзе-недзе губляюцца нікла са мной Задуманыя вочы ў нязгледным прасторы. Тонуць думы ў спакоі трывожна-святым, Над зямлёй расплываюцца з сумнай цямрыцай Аж да высі, што макам мігціць залатым – Мільёнамі зор без канца, без граніцы. Ночна-сонная даль мае мову сваю, Былі з'яўныя шорахам тайным складае, Песню з небам снуе – праслаўляе зямлю; Ў песню лучыцца гэту душа маладая. Аб квяцістым зямнога жыцця харастве, Аб праменнях, што долю галубяць людскую, I аб з сілай благою пабеднай бітве Чую голас прарочы і ў думках мяркую... Гледзячы, як загон наш калоссямі спеў, А сявец яго радасна з сонцам сваіўся, Песню далі і неба таксама я пеў, А калі?.. Знаць, тады, як яшчэ не радзіўся!..Sneaker Release Dates 2019