Нарадзілася ў 1982 годзе на Міншчыне. Скончыла Беларускі Дзяржаўны педагагічны універсітэт імя Максіма Танка.
Аўтар зборніка вершаў «Не хацела табе гаварыць» (2002).
А даўно было тое, даўно... Колькі вёснаў ужо прамінула, Колькі зімаў журбой ахінула, Колькі ўпала сівых туманоў.
А даўно было тое, скажы? Так даўно, што пара б і забыцца, Як ганебна пасмелі спыніцца Мы амаль на апошняй мяжы.