Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Кірыл Азімка

Сярэдняя: 4.5 (33 галасоў)

У правай руцэ кніга з творам Купалы,
На левай - адпор на ўсялякі прымус.
Народную песню пяе ён з запалам,
Каб бачылі ўсе, што ідзе беларус!



Сярэдняя: 4.5 (22 галасоў)

А выхад аварыйны ў самалёце
Падчас, калі ляціце вы высока, -
Ілюзія бяспекі пры палёце:
Сысці праз выхад можна на аблокі...



Сярэдняя: 4.7 (18 галасоў)

Я маю тут вялікі дар,
Я маю тут буйны хаўрус,
Сваёй зямлі я гаспадар,
Сваёй зямлі я беларус!

Я маю жыта і палі,
Я маю волю і любоў
На нашай Матчыне-зямлі,
Зямлі братоў-гаспадароў.

Гаспадары зямлі сваёй...
Гарыць агеньчык на вачах,
На сэрцы ласка з цеплынёй,
А ноччу бачаць кветкі ў снах.

Тут вецер гоніць статкі хмар,
Буслы тут зноў на дах ляцяць.
Я маю тут вялікі дар,
Маю зямлю не адабраць!

Калі прыедзеш з-за мяжы,
Калі прыедзеш з-за бугроў,
Цябе сутрэнем ад душы,
А ты вітай гаспадароў...

Я маю тут вялікі дар,
Я маю тут буйны хаўрус,
Сваёй зямлі я гаспадар,
Сваёй зямлі я беларус!



Сярэдняя: 4 (14 галасоў)

"Паэт Расіі болей, чым паэт..."
Паэт на Беларусі двойчы болей!
Бо наша слова мае свой хрыбет,
Хрыбет нязломны: не прыгнуць ніколі!
Паэт Расіі славу адшукаў,
А беларускі талент ззяў з-за кратаў,
Маліў ён Бога, волю ён гукаў...
Такіх, як ён, у нас было багата.

Свядомасць выбівалі сотні год,
Нажаль, ва многім дасягнулі мэты,
Але не знік са свету наш народ,
Бо пабуджалі гонар наш паэты.
Яны прайшлі скрозь цемру і агонь,
Няслі нашчадкам залатыя словы,
Прайшлі скрозь наш народны страшны сон
І захавалі родную нам мову...

"Паэт Расіі болей, чым паэт..."
Паэт на Беларусі двойчы болей!
Старонкі забароненых газет
Няслі ў душу народа словы волі,
Што абудзілі колісь Беларусь,
Вялі яе да беларускай мэты,
Дапамагалі скінуць ўвесь прымус
Народу слову нашага паэта...