Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Павел Гаспадыніч

Сярэдняя: 5 (2 галасоў)

Спаўзе ў гушчар туман сівы
Між елак покрывам бялюткім.
Ізноў прысніцеся не Вы
У панаванні Рэха гнуткім...

Спаўзе з галінкі кроплі звон,
Які падхопіць шоргат лісця...
Ізноў сустрэнецца Вам Ён,
У мроях стрэчаны калісьці.

Спадзе на вокны змроку цень,
Кране далоні сарамліва...
Ізноў не Вы – самотны дзень
Аб нечым просіць палахліва...



Сярэдняя: 5 (3 галасоў)

Пакутай сталення
Імкнешся да веры.
Веры ў сумленне,
Як вырай трызнення,
Сваех летуценняў,
Гульні светлаценяў
На чыстай паперы,
Між дзідаў-аераў,
Між качак гайданняў,
І хваляў хістанняў,
Між хіжым-ахвярным,
Дасведчаным-марным.
Пакутай сталення,
Раструшчанай ў сенях,
Бадзяжным вятрыскам
Сумленнем празрыстым
Набытым у бойках
Самотнага воўка,
Дасведчаным волатам
Як кава памолатым
У друзкі ўспамінаў
Бяконцых аршынаў
Язьмінаў
Шыпшынаў
Малінаў
Адзінай
На свеце
Дзяўчыны.



Сярэдняя: 2.3 (7 галасоў)

Вішняй зімовае наспеў твой сон
І нібы птушка з далоняў
Успырхнуў у неба
Празрыстае як сон
Пра птушку і
Вішню і
І зіму.
Неснагавую зусім зіму.
Час ад часу слязлівую.
Прахалодную як труну ў
Прасторы трупярняў.
Безумоўна,
Ты адзіны там з жывых
(Ці табе так падаецца?)
Бо сон, вядома, надзейны падманнік і
Падменнік
Заменнік
Жыцця, у якім
Зімовай вішняй даспявае
Богам згубленае Слова.



Сярэдняя: 3 (4 галасоў)

Гэта кроў мая пырскае і зноўку свет упрыгожвае
Гэта сонца ў колазвароце сваім ад яе палымнее
Мацней водараць кветкі і хваля за хваляй спяшаецца
І любоў мая зноўку свет ўпрыгожвае
Г. Апалінэр

У вачах яе вякуюць вясёлкі –
антраполаг кажа пра
раёк.
У паглядзе яе жарынкі сонца –
псіхолаг кажа пра асацыяцыі і
атаясамліванні.
У постаці яе глыбінныя схаваны
жарсці –
тэрапеўт кажа пра
тэмпературу.
У нагах яе раскашуе жары ліпень –
артапед кажа пра
хісткія косткі.
У словах яе сінечка азёрных хваляў –
лінгвіст кажа пра
дэфекты маўлення.
Партрэт ад Пікасо
купляюць за мільёны еўра
антраполаг,
псіхолаг,
тэрапеўт,
артапед,
лінгвіст.
Той самы, дзе вякуюць вясёлкі
Фернанды Аліў’е –
у мантыльі і без