Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Міхась Карцялёў

Сярэдняя: 2 (1 голас)

Не галёкаць па туманах,
Што як цёплы сырадой,
Не йсьці лесам за грыбамі
Ля духмяных мурагоў.

І той шэпат, шэргат лісьцяў
Не пачуеш як тады:
Толькі плачуць, толькі сьвішчуць
Кавылі данской зямлі.
29.08.14.



Сярэдняя: 3 (1 голас)

Не каралі Паэту даюць Слова
І не народ дрыжыць прад каралём,
Толькі натоўп уладарцу падпанован,
Таму, што ён натоўп, а не народ.

Бязглуздны вочы пучыць намаганьнем,
Блазнюк адкіне напрэч капялюш –
І ўсе крычаць: ня трэба нам Варавы!
Таго падайце! Мы яго распнём!

І расьпіналі! І адзёгі рвалі!
І разбягалісь ад грома і дажджу –
Потым малілісь, сьлёзы пралівалі
Паэту, Слову і Хрысту.
7.04.14.



Сярэдняя: 3.3 (3 галасоў)

Не нішчыцца злое праклёнам,
Дабро не прыходзіць само,
Ды слова ня бачыць аблокаў,
Як толькі бяскрыла яно.

І чым бы каханьне ня клікаў,
Якіх не надаў бы назоў -
Каханьне не стане вялікім,
Як квола пачуцьце само.
-6.12.14.



Сярэдняя: 5 (1 голас)

Не хварэць, сумаваць
Я зыйшоў да зямлі,
Не пакоры чакаць,
Не пакору нясьці;

На азёры твае,
На блакіты нябёс -
Усе жаданьні мае -
Быць без гора ды сьлёз,

А калі ж, тое стане -
Пазавіце мяне -
Падымусь, у шэраг стану,
Як усе продкі мае,

Зубы сьцяўшы ад болю,
Дапаўзу, хоць, з труны,
Да апошняга бою,
Да апошняй вайны!
-16.10.15.