Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Lazzaro

Сярэдняя: 4.6 (7 галасоў)

Цыкады прарочаць цяпло.
А ночка ўсміхаецца: "Дзе там...
Шуткуеце? Лета ж прайшло.
Так хутка, нібы й не было
яго — "капрызульнага" лета.

Хвіліна — і рэшта зляціць —
якісьці там тыдзень апошні.
І ў "летне-астатнім" быцці
адно застанецца — зграбсці
ў далонейкі золата пожняў

і срэбра вышынь-далячынь,
І медь лісталётных падаткаў —
і ссыпаць, адсеяўшы сплін,
у памяці кош — на ўспамін —
як скарбы пары дабрадатнай.

Як рэха вясёлых дзянькоў
калі басанож — і да рэчкі:
з разбегу — бултых — і без слоў
у рай, дзе між "сонцамалькоў"
пасуцца аблокі-авечкі.



Сярэдняя: 4.3 (6 галасоў)

І зноў душа мурзой проставалосай
ля ног Тваіх схіляецца ў літАнні:
"Амый мяне, Гасподзь, як брудны посуд,
не годны для Твайго выкарыстання!

Ды толькі не трымай, як мёртвых Цэрбер!
Пастаў у лёсе коску, а не кропку.
Хай буду я й не золатам, не срэбрам,
а глінаю — ачышчанай чаропкай.

Ты мне ў яе даруй святую брагу —
з рукі Сваёй жывільную вадзіцу.
Мо некаму, зняможанаму смагай,
нагбом з яе прызначана напіцца

Тваёй Любві, што з трэптам захавана,
бы з горняга струменьчыка, празрыстай...

Яна адна амые ўсё заганы!
І будзе ўсё асвечанае чыста!"



Сярэдняя: 2.3 (3 галасоў)

Чароўная восень. Кастрычнік, а сцюжы — ніякай.
Далонейкі лісця прасвечвае сонца рэнген. Надвор'е
такое... такое..., што... "Божанька, дзякуй!" — за ціхае
шчасце — прымаць па глытку гэты дзень.

За простую радасць і смак ад жыцця-існавання пад
сінню крыштальнаю, пад залаценню манкой. За
ветрыка ласку, за хваляў цяпла цалаванне, за міласць
прыроды, лагоду яе і спакой.

О, дзякуйце неба за тое, што мір спасылае! Шануйце
зямлю, што дае вам і хлеб, і пітво! І слаўце Тварца!
Паглядзіце: ад краю да краю цудоўныя справы Яго, і
на ўсім — хараство!

10.10.2014



Сярэдняя: 4.6 (5 галасоў)

У існаванні тутасветным хуткалётным
чатыры рэчы не вяртаюцца зваротна:

бяздушны камень, стрэлам кінуты ў прастору,
няўклюда-слова – промах сэрцайка-суфлёра,

шчаслівы выпадак, не выкарыставаны,
і час бясцэнны, на пустое змарнаваны.

21.04.2014