Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

жыццё

Сярэдняя: 4.2 (5 галасоў)

Вакзал.Ён жыве.
Асабістым жыццём.
Кіпучым. Няспынным.
Зменным.
А людзі ў чарзе,
не чуюць сябе...
Любіць забываюць. Дарэмна.

Вакзал.Ён жыве.
Асабістым жыццём.
Кіпучым. Няспынным.
Зманным.
А людзі ў чарзе,
не чуюць сябе...
Людзі жывуць падманам.



Сярэдняя: 3.4 (8 галасоў)

Мне дыхаць цяжка і паветра не стае,
Калі я крочу вуліцай знаёмай.
А колькі ў душы тут паўстае,
Ці то вясной,ці восеньню сьцюдзёнай.

Майго дзяцінства прывідныя дні,
Сябры,што зьніклі і ўжо болей не пабачу.
Юнацтва ды вачэй яе агні,
Сямнаццаць год,якія не адзначу.

і тая восень,той халодны дождж,
Начны шпацыр,нясьмелы пацалунак.
Каханьня словаў час ня зробіць горш,
Спляце нам лістапад новы карунак.

Мазыр,мы столькі разам пражылі,
і кожнае ўжо новае сьвітаньне.
Узгадае нам,як колісь тут былі,
Рамантыка ды мараў панаваньне



Сярэдняя: 4.2 (18 галасоў)

Чаму здараецца
Ў жыцьці у нашым часта,
Што лепшыя сыходзяць
У нябыт, у цемру першымі?..
Бывае, толькі-толькі пачынае
Дарунак Божы -
         талент - расьцьвітаць,
Як раптам... сьмерць
Й сьцюдзёны жвір магільны...
Што застаецца? -
Творы, кнігі, словы...



Сярэдняя: 4.5 (803 галасоў)

Мала сказаць: ненавiджу,
Мала сказаць: прызнаю,
Бiцца за праўду — i выжыць,
Нiбы салдат у баю.

Дрэннаму — не пакарыцца,
Добрае — не празяваць.
З дробнай хлуснёй не мiрыцца,
З буйнай хлуснёй ваяваць.

Гэтым бы i кiравацца…
Толькi і зло, i хлусня
Хiтра маскiравацца
Вучацца спрытна штодня.

Нехта i подлы, i хiжы
Клятву паўторыць тваю:
З ворагам бiцца — i выжыць,
Нiбы салдат у баю.